للناس اللى بتسأل عصيان مدنى ليه و عشان ايه
و الانتاج و الاقتصاد و السياسة و عجلة عوكشة و فستان سمارة احب اقولهم اسمعوا و
اقروا الكام كلمة اللى جايين دوول يمكن نلاقى عند اللى جابوكوا دم و تحسوا و ان
متحركتوش معانا متجوش ضدنا و سيبونا نكمل اللى بدأناه
1-
المسيو مبارك محضرش جلسة النهاردة و السبب ع
حسب ما قالت الاخبار سوء الاحوال الجوية ( معلش يا جماعة برضو الدنيا برد ايه
معندكوش رحمة ؟ او ممكن يكون المسيو مالوش نفس يتفسح النهاردة فلغى الميتنج طب انا
بعرض عليه يعملوا فيديو كونفرس عشان الدنيا برد عليه و يوفرلنا احنا بنزين و فلوس
و شوية امن عشان محدش يموت تانى عندنا من قلة الامن
2-
طب سيبنا من دا عشان محدش يقول احنا ناس
قاسية و وحشة و بنتصدر للهايفة و خلينا ف عجلة الانتاج اللى فست يا عم انفخها عند
سيد العجلاتى انتى نتعرفش بيتصرف كام ع علاج المسيو ؟ متعرفش طرة بيتجهز بكام عشان
يستقبل المسيو ؟ و المسيو كمان رافض ينقل مع ان الناس شايفة نفسيتو وحشة من جو
المستشفى الدولى قالك نعملوا استجمام ف طرة حتى صحتوا تيجى مع الشلة و الصحبة و
اللمة حلوة برضة
3-
طب سيبنا من دا كله تأمين المخلوع و كميت
الامن اللى مش بتفارقه دى م احنا ايه وضعنا ؟ كلاب يا عم و لا نسوا ايه يعنى كام
شاب من خيرة البلد يموتوا ؟ اجدع واحدة تخلفلك قدهم فى كاه شهر تعوض اللى فات
الضعف يا معلم و الله برنس انت
4-
طب اخيرا و ليس آخرا لسة من شوية واحد ولع ف
نفسه قدام مجلس الشعب شفت وصلت لايه معاه ؟ حررررررررررررررررررام عليكوا
حسسسسسسوا بقه خلى عندكوا شوية من الاحمر اللى بيتقال عليه دم اتحركوا او اسكتوا و
سيبونا احنا نتحرك انا مضربة انا معتصمة انا ف
عصيييييييييييييييييييييييييييييييييييييان و بدعوا للعصيان المدنى ببساطة عشان
عندى دم و بحس انت بقى عندك اية ؟
ليست هناك تعليقات:
إرسال تعليق